𝐍𝐨 𝐨𝐧𝐞 𝐬𝐡𝐨𝐮𝐥𝐝 𝐛𝐞 𝐞𝐱𝐜𝐥𝐮𝐝𝐞𝐝 𝐟𝐫𝐨𝐦 𝐭𝐡𝐞 𝐨𝐩𝐩𝐨𝐫𝐭𝐮𝐧𝐢𝐭𝐲 𝐭𝐨 𝐥𝐞𝐚𝐫𝐧, 𝐧𝐨 𝐦𝐚𝐭𝐭𝐞𝐫 𝐰𝐡𝐞𝐫𝐞 𝐭𝐡𝐞𝐲 𝐚𝐫𝐞 𝐛𝐨𝐫𝐧

ជំនឿនេះគឺជាបេះដូងនៃបេសកកម្មការងាររបស់ 𝐀𝐛𝐨𝐯𝐞 𝐚𝐧𝐝 𝐁𝐞𝐲𝐨𝐧𝐝 អនាគតរបស់កុមារមិនគួរត្រូវបានកំណត់ដោយកត្តាភូមិសាស្ត្រ វិសមភាព ឬការខ្វះខាតលទ្ធភាពទទួលបានការអប់រំនោះទេ។ ការរៀនសូត្រមិនមែនជាអភ័យឯកសិទ្ធិសម្រាប់តែមនុស្សមួយចំនួនតូចនោះទេ ប៉ុន្តែវាជាសិទ្ធិដែលកុមារគ្រប់រូបសមនឹងទទួលបាន។

ដើម្បីចូលរួមដោះស្រាយបញ្ហានេះ 𝐀𝐛𝐨𝐯𝐞 𝐚𝐧𝐝 𝐁𝐞𝐲𝐨𝐧𝐝 បានដំណើរការនូវថ្នាក់រៀនអនឡាញផ្នែកបច្ចេកវិទ្យាព័ត៌មាន និងសារគមនាគមន៍ (ICT) ដែលបើកឱកាសឱ្យមានការសិក្សាគ្រប់ពេលវេលា និងគ្រប់ទីកន្លែង។ លើសពីឧបករណ៍បច្ចេកវិទ្យា វាគឺជាស្ពានចម្លងតភ្ជាប់កុមារ និងសហគមន៍ទៅកាន់ការអប់រំដ៏មានអត្ថន័យ។

ចក្ខុវិស័យនេះកំពុងលេចចេញជារូបរាងឡើងនៅអង្គការអាហ្ស៊ីហ្សា (𝐀𝐳𝐢𝐳𝐚’𝐬 𝐏𝐥𝐚𝐜𝐞) ក្នុងប្រទេសកម្ពុជា និងសាលា 𝐉𝐚𝐥𝐢𝐫𝐚 ក្នុងប្រទេសម៉ាឡាវី ។ ឆ្លងកាត់ទ្វីប វប្បធម៌ និងតំបន់ពេលវេលាខុសៗគ្នា ក្តីសង្ឃឹមតែមួយ កំពុងរីកដុះដាលនៅក្នុងគ្រប់ថ្នាក់រៀន៖ កុមារគ្រប់រូបសមនឹងទទួលបានឱកាសក្នុងការរៀនសូត្រ លូតលាស់ និងត្រៀមខ្លួនសម្រាប់អនាគត។

សូមអូសមើលរូបភាពដើម្បីទស្សនាសកម្មភាពសិស្សានុសិស្សរបស់យើងកំពុងផ្ដោតអារម្មណ៍លើការសិក្សា!

ស្នាមញញឹម ការយកចិត្តទុកដាក់ និងការតាំងចិត្តរបស់ពួកគេ គឺមានអត្ថន័យលើសពីពេលវេលាដ៏រំភើបញាប់ញ័រ។ នេះគឺជាភស្តុតាងដែលបញ្ជាក់ថា ការផ្លាស់ប្តូរពិតជាអាចទៅរួច សូម្បីតែនៅកន្លែងដែលឱកាសទទួលបានការអប់រំមានការលំបាកបំផុតក៏ដោយ។

តាមរយៈថ្នាក់រៀនអនឡាញផ្នែក ICT និងសាលារៀនខ្នាតតូច (𝐌𝐢𝐜𝐫𝐨-𝐬𝐜𝐡𝐨𝐨𝐥𝐬) របស់ 𝐀𝐛𝐨𝐯𝐞 𝐚𝐧𝐝 𝐁𝐞𝐲𝐨𝐧𝐝 កំពុងជួយកុមារឱ្យភ្ជាប់ទំនាក់ទំនងទៅកាន់ពិភពឌីជីថល ស្វែងយល់ពីសក្តានុពលរបស់ពួកគេ និងស្រមៃមើលអនាគតដ៏ទូលំទូលាយ។ យើងមិនត្រឹមតែបង្រៀនពីបច្ចេកវិទ្យាប៉ុណ្ណោះទេ តែយើងកំពុងបើកទ្វារថ្មីឆ្ពោះទៅមុខ ដើម្បីលុបបំបាត់គម្លាតផ្នែកឌីជីថល។

ពីព្រោះទីកន្លែងកំណើតរបស់កុមារ មិនគួរជាអ្នកកំណត់ថាតើពួកគេអាចឈានទៅមុខបានឆ្ងាយកម្រិតណានោះឡើយ។